عليك ياعذب السجايا والأطباع

[الفدرالي]

يامل قلبً من عنا البعد ملتاع=بين الرجا والياس له عام وشهور
عليك ياعذب السجايا والأطباع= ياللي جمالك يسرق أحساس وشعور
سهم النظر ماردته عوج الأضلاع=صاب الضمير ولا لقى طب دكتور
إلا وصالك مال للوصل قطاع=ونبدل اللي فات بفراح وسرور
القلب لك ربان وضلوعي أشراع=أن كان خفت أن الهوى أمواج وبحور
ياما سهرت الليل والناس هجاع=ودي بشوفك قبل لايطلع النور
وقبل الطيور اللي مع الصبح سجاع=أخفي وتكشف كل ماكان مستور
أصبر لجل عينك على كل الأوجاع=ولافكر بغيرك ولا سمع به الشور
أنا أدري أن الأرض وفجوجها وساع=وشلون أسج وخاطري منك مكسور
العمر لامنه فقد طلتك ضاع=حتى ولو عشنا إلى نفخت الصور