عشماوى
16-02-2006, 02:38 PM
قانون الخلع وليس الخولع
صحيت علي دوشة وهيصة عملاها جمالات مراتي وقالت انت نايم بقينا الضهر قوم يامنيل .. قمت مفزوعا وقلت خير ياجملات.. قالت هييجي منين الخير وأنت نايم.. شفت شفت اللى ما يسمى .. قلت ماله مالة .. قالت هي دي الرجالة وإلا بلاش.. الراجل سمع كلام مراته ومرضيش يزعلها..وساب لها الشؤن الداخلية للبلد وغير قانون الشؤن الاجتماعية وصدر قانون اسمة الخلع وقلت وعمل كده ليه الخايب النايب.. صرخت جمالات وقالت محدش خايب ونايب غيرك..اللى ما يسمى عمل كده عشان يفرح مراته وضحي وضحى بالرجالة عشان مراته..
فقلت طبعا ناس تخاف ماتختشيش.. باع الرجولة عشان مراته.
قالت جمالات بتبرطم بتقول ايه.. طبعا عرفت مراته تمشيه علي العجين مايلخبطه..!
فقلت طبعا اشتري راحته بدل ماتنكد عليه عيشته وتأرفه في حياته.. اشتري دماغه وضيع هيبة الرجل وكرامتة.. اللي اتضح انها مرقباه رجل لرجل.
وقالت جمالات احنا لازم ناخد مرات اللى ما يسمى قدوه ومثل لرابطة السيدات بتاعتنا لانها عرفت تربي جوزها التربية الصح مش احنا الخايبين اللي سبنا ا جوازنا علي حل شعرهم..!
قلت بس ياجمالات تاخدوا واحدة مسترجلة قدوة ليكم خلاص خلصت النسوان عندنا.. صرخت جمالات في وشي وقالت أخرس يامنيل دي عملت اللي مافيش ولاوحدة عملته منا.
قلت في سري منك لله يالى ما تتسمى عكننت علينا.. بقي معقولة ماتعرفش تسيطر على مراتك .
زغرتت ليٌّ جمالات وقالت تقدر تعمل زيه.. والا أي منيل يعمل كده يضحي عشان مراته..
قلت انا حياتي فداكي ياجميل. قالت والله مايخدش منك غير كلام وبس إنما فعل مافيش!
أؤمري بس ياست الكل وانا أعمل احسن منة قالت جمالات طب شوف بقي يافالح عيزاك تروح تجيب مراتة هنا.. عشان تخليها تعطي رئيسات روابط المشجعات محاضرات في كيفيه ترويض الازواج ليكونوا خواتم في اصابع زوجاتهم كما فعلت هي..
قلت طب ازاي ياجمل ياحبي ده مطلب صعب قوي ومش ممكن تيجي.. قالت اتصرف يامنيل لازم نكرمها علي انجازها مع جوزها وتمنحها جائزة ترويض الرجل .
ادركت ان جمالات مراتي وضعتني في مأذق كبير .
ضربت اخماسا في اسداس وذهبت لازواج رئيسات الروابط الحريمي لنتصرف في هذا المأذق واقترح جوز جنايات اننا نجيب واحدة ونديها قرشين وتقوم بدور زوجة اللى ما يسمى ونفهمها انها تؤكد للزوجات انها تعامل زوجها كويس وتحترمه وبتكون له الام والزوحة والحبيبة والمعينة له علي حوائج الدهر.!بس احنا خوفنا من غدر النساء
وأتفقنا معا الوحدة دى بانها تتكلم فرنساوى وجبنا رجل يقوم بالترجمة المترجم الفرنساوي للست اللي جبناها.. اذ انه احسن من يقول كلمة 'مرسيه' لمراته لما تضربه ويألف هو الباقي حسب ما اتفقنا عليه!
واحضرنا الست .. وقابلتها زوجاتنا بشغف واهتمام كبيرين.. وقام المترجم الذي يترجم كلام غير اللي بتقوله الست وتم اكتشاف الخدعة التي قمنا بها اذ انهن قرأن علي الجونلة بتاعةالست اللى جبناها والتي كانت مصحوبة بكلمات المراة فوق الجميع باللغة العربيةاضربو ازواجكن او اخلعهن .. وكان مصيرنا الاقامة في مستشفي العظام!
فين ايام زمان ايام سى السيد الان تغير الحال واصبحنا نحن معشر الرجال نقول نعم ستى حاضر ستى والمراة تقول لزوجها هتسمع الكلام ولا اروح اخلعك
صحيت علي دوشة وهيصة عملاها جمالات مراتي وقالت انت نايم بقينا الضهر قوم يامنيل .. قمت مفزوعا وقلت خير ياجملات.. قالت هييجي منين الخير وأنت نايم.. شفت شفت اللى ما يسمى .. قلت ماله مالة .. قالت هي دي الرجالة وإلا بلاش.. الراجل سمع كلام مراته ومرضيش يزعلها..وساب لها الشؤن الداخلية للبلد وغير قانون الشؤن الاجتماعية وصدر قانون اسمة الخلع وقلت وعمل كده ليه الخايب النايب.. صرخت جمالات وقالت محدش خايب ونايب غيرك..اللى ما يسمى عمل كده عشان يفرح مراته وضحي وضحى بالرجالة عشان مراته..
فقلت طبعا ناس تخاف ماتختشيش.. باع الرجولة عشان مراته.
قالت جمالات بتبرطم بتقول ايه.. طبعا عرفت مراته تمشيه علي العجين مايلخبطه..!
فقلت طبعا اشتري راحته بدل ماتنكد عليه عيشته وتأرفه في حياته.. اشتري دماغه وضيع هيبة الرجل وكرامتة.. اللي اتضح انها مرقباه رجل لرجل.
وقالت جمالات احنا لازم ناخد مرات اللى ما يسمى قدوه ومثل لرابطة السيدات بتاعتنا لانها عرفت تربي جوزها التربية الصح مش احنا الخايبين اللي سبنا ا جوازنا علي حل شعرهم..!
قلت بس ياجمالات تاخدوا واحدة مسترجلة قدوة ليكم خلاص خلصت النسوان عندنا.. صرخت جمالات في وشي وقالت أخرس يامنيل دي عملت اللي مافيش ولاوحدة عملته منا.
قلت في سري منك لله يالى ما تتسمى عكننت علينا.. بقي معقولة ماتعرفش تسيطر على مراتك .
زغرتت ليٌّ جمالات وقالت تقدر تعمل زيه.. والا أي منيل يعمل كده يضحي عشان مراته..
قلت انا حياتي فداكي ياجميل. قالت والله مايخدش منك غير كلام وبس إنما فعل مافيش!
أؤمري بس ياست الكل وانا أعمل احسن منة قالت جمالات طب شوف بقي يافالح عيزاك تروح تجيب مراتة هنا.. عشان تخليها تعطي رئيسات روابط المشجعات محاضرات في كيفيه ترويض الازواج ليكونوا خواتم في اصابع زوجاتهم كما فعلت هي..
قلت طب ازاي ياجمل ياحبي ده مطلب صعب قوي ومش ممكن تيجي.. قالت اتصرف يامنيل لازم نكرمها علي انجازها مع جوزها وتمنحها جائزة ترويض الرجل .
ادركت ان جمالات مراتي وضعتني في مأذق كبير .
ضربت اخماسا في اسداس وذهبت لازواج رئيسات الروابط الحريمي لنتصرف في هذا المأذق واقترح جوز جنايات اننا نجيب واحدة ونديها قرشين وتقوم بدور زوجة اللى ما يسمى ونفهمها انها تؤكد للزوجات انها تعامل زوجها كويس وتحترمه وبتكون له الام والزوحة والحبيبة والمعينة له علي حوائج الدهر.!بس احنا خوفنا من غدر النساء
وأتفقنا معا الوحدة دى بانها تتكلم فرنساوى وجبنا رجل يقوم بالترجمة المترجم الفرنساوي للست اللي جبناها.. اذ انه احسن من يقول كلمة 'مرسيه' لمراته لما تضربه ويألف هو الباقي حسب ما اتفقنا عليه!
واحضرنا الست .. وقابلتها زوجاتنا بشغف واهتمام كبيرين.. وقام المترجم الذي يترجم كلام غير اللي بتقوله الست وتم اكتشاف الخدعة التي قمنا بها اذ انهن قرأن علي الجونلة بتاعةالست اللى جبناها والتي كانت مصحوبة بكلمات المراة فوق الجميع باللغة العربيةاضربو ازواجكن او اخلعهن .. وكان مصيرنا الاقامة في مستشفي العظام!
فين ايام زمان ايام سى السيد الان تغير الحال واصبحنا نحن معشر الرجال نقول نعم ستى حاضر ستى والمراة تقول لزوجها هتسمع الكلام ولا اروح اخلعك