هذي القصيده لي في انواع الرياجيل اتمني ان تنال اعجابكم

[قرقاعي]

بسم الله الرحمن الرحيم
ياسامعي بعطيك موجز تحليل
قل نايف اللي قال في عرض قوله
بعض الرجال سراج عن ظلمة الليل
للعز والناموس يمشي ذلوله
واحدن هلامه باردن طبعه خبيل
ثقيل دم يضيق من كان حوله
واحدن خبيث يحول تحويل
ابسط صفاته يجحدك وبسهوله
واحدن اذا خواك ذقت البهاذيل
هديفتن اخطاه دايم عجوله
واحدن كريمن عادته يذبح الحيل
يفرح اليامن النشاما عنوله
واحدن مكوبر لامشي قلت حلحيل
مغتر في شكله وعرضه وطوله
واحدن جمل يبرك علي الحمل ويشيل
باالكايده رجليه ماهي معقوله
تروح وتجيك رجال جيلن ورى جيل
واللي كسب رجال نال البطوووله
تقبلوا تحياتي ودمـــــــــــتــــــــــــم بــــــود قــــرقـــاعــــي

[المستبد]

صح الله لسانك ياقرقاعي


قصيدة عصماء وذات دلالات واضحه

الله يبيض وجهك ويعطيك العافيه ...

[قرقاعي]

صح بدنك ياالغالي مروورك فخر لي

وانا من اشد المعجبين والمتابعين لك
في مجال القلطه فأنت فعلا مدرسه من غير مجامله
حياك الله اخوي الغالي المستبد وياااهلا