الفدرالي
22-12-2008, 02:49 AM
بسم الله الرحمن الرحيم
محاوره بين الشاعرين الكبيرين :
رشيد الزلامي .. وتركي الميزاني اتمنى ان تعجبكم
رشيد
ياتركي الفين نسمع عنك بعض الكلام
ومطير ماودنا نشذب عراقيبها
اما ليا جيتنا وقف 00ورد السلام
ولا نكبناك نكبه مانت داريبها
تركي
السر مدفون مابين اللحم والعظام
واهل المواجيب ماننقص مواجيبها
أنا سلامي عليكم00مرةٍ كل عام
واهل الهناديب ماتنفع هناديبها
رشيد
انته من العام تخلطها حلال وحرام
ماعاد لك قبلةٍ تعرف تصليبها
تشيل عشرين طلقه ميته بالحزام
وتزهب البندق العجرا وترميبها
تركي
اللي يقول الحقيقه مايجيه الملام
والنار ياكثر من يشعل مشاهيبها
إن كان عين الزلامي مايجيها المنام
من يرخي إذنه لهرج الناس يوحيبها
رشيد
ترا معي حيلةٍ لمخالفين النظام
والله لخليك ياتركي تهذريبها
وإني لطاردك وسط المملكه شرق شام
لين الطروق الرزيله ماتغنيبها
تركي
أنته00وانا 00كلنا متقاسمين الطعام
لكن الايام لاتامن عواقيبها
ياراعي الخشم خشمك لا يجيه العرام
لحيتك تقديرها من قدر أشانيبها
رشيد
الوقت يا شاعر المطران جاله سنام
لكن عوجة رقبته00وش نسويبها
والحر يشبك بفرخٍ من فروخ الحمام
يا طيبها يوم جابت صقر ياطيبها
تركي
صل الفرايض وحج البيت واقض الصيام
لا عاد سبحتك للعالم تواميبها
النور يا شاعر الروقه00 يزيل الظلام
وحنا صقور ٍ تعشيها مخاليبها
رشيد
انتم قبيله لكن الطق فك اللحام
مطير قوم ٍ خلقنا الله لتعذيبها
سقناك من قلة الحره لغربي نعام
ديار تصبح بها00 وديار تمسيبها
تركي
أعرف عشيره واعرف الجمش واعرف جهام
ياشيب عينك من المطران يا شيبها
تحمد الله00 وريح فوق ريش النعام
ضيوفكم ماتبا تجرح معازيبها
رشيد
انته تعرف الدير00لكن بياع خام
ماغير تمشي وكل أرض ٍ تعشيبها
حنا ليا حميت الهيجا00وحصل الزحام
نشرب فناجيل خلق الله0ونرميبها
تركي
أنا من اهل الأشده في نهار الزحام
رجليك اباأنشدك من كسر عراقيبها
ياهل الفناجيل جاكم ردها بالتمام
من حول أهل المناصب من مناصيبها
رشيد
صاحبك شايب لكن انته بسن الفطام
أعرف علوم ٍ ماظن ألفين يدريبها
والله يالولا حياي من الرجال الحشام
لا قولها صح00 وآخليك تسريبها
تركي
انته تحلم00ولا غشتك غير الحلام
راجع دفاترك تلقا في مكاتيبها
وراك ما قلتها ياصاحبي من شمام
حتى إن حملتك في ظهرك تزوزيبها
رشيد
يامطير ماعاد ينفعكم شراب وطعام
من يوم فارقتم أم الرمث وشعيبها
قامت عليكم دروز ٍ ماتعرف الكلام
وانتم كما العقرب اللي تلوي ذنيبها
محاوره بين الشاعرين الكبيرين :
رشيد الزلامي .. وتركي الميزاني اتمنى ان تعجبكم
رشيد
ياتركي الفين نسمع عنك بعض الكلام
ومطير ماودنا نشذب عراقيبها
اما ليا جيتنا وقف 00ورد السلام
ولا نكبناك نكبه مانت داريبها
تركي
السر مدفون مابين اللحم والعظام
واهل المواجيب ماننقص مواجيبها
أنا سلامي عليكم00مرةٍ كل عام
واهل الهناديب ماتنفع هناديبها
رشيد
انته من العام تخلطها حلال وحرام
ماعاد لك قبلةٍ تعرف تصليبها
تشيل عشرين طلقه ميته بالحزام
وتزهب البندق العجرا وترميبها
تركي
اللي يقول الحقيقه مايجيه الملام
والنار ياكثر من يشعل مشاهيبها
إن كان عين الزلامي مايجيها المنام
من يرخي إذنه لهرج الناس يوحيبها
رشيد
ترا معي حيلةٍ لمخالفين النظام
والله لخليك ياتركي تهذريبها
وإني لطاردك وسط المملكه شرق شام
لين الطروق الرزيله ماتغنيبها
تركي
أنته00وانا 00كلنا متقاسمين الطعام
لكن الايام لاتامن عواقيبها
ياراعي الخشم خشمك لا يجيه العرام
لحيتك تقديرها من قدر أشانيبها
رشيد
الوقت يا شاعر المطران جاله سنام
لكن عوجة رقبته00وش نسويبها
والحر يشبك بفرخٍ من فروخ الحمام
يا طيبها يوم جابت صقر ياطيبها
تركي
صل الفرايض وحج البيت واقض الصيام
لا عاد سبحتك للعالم تواميبها
النور يا شاعر الروقه00 يزيل الظلام
وحنا صقور ٍ تعشيها مخاليبها
رشيد
انتم قبيله لكن الطق فك اللحام
مطير قوم ٍ خلقنا الله لتعذيبها
سقناك من قلة الحره لغربي نعام
ديار تصبح بها00 وديار تمسيبها
تركي
أعرف عشيره واعرف الجمش واعرف جهام
ياشيب عينك من المطران يا شيبها
تحمد الله00 وريح فوق ريش النعام
ضيوفكم ماتبا تجرح معازيبها
رشيد
انته تعرف الدير00لكن بياع خام
ماغير تمشي وكل أرض ٍ تعشيبها
حنا ليا حميت الهيجا00وحصل الزحام
نشرب فناجيل خلق الله0ونرميبها
تركي
أنا من اهل الأشده في نهار الزحام
رجليك اباأنشدك من كسر عراقيبها
ياهل الفناجيل جاكم ردها بالتمام
من حول أهل المناصب من مناصيبها
رشيد
صاحبك شايب لكن انته بسن الفطام
أعرف علوم ٍ ماظن ألفين يدريبها
والله يالولا حياي من الرجال الحشام
لا قولها صح00 وآخليك تسريبها
تركي
انته تحلم00ولا غشتك غير الحلام
راجع دفاترك تلقا في مكاتيبها
وراك ما قلتها ياصاحبي من شمام
حتى إن حملتك في ظهرك تزوزيبها
رشيد
يامطير ماعاد ينفعكم شراب وطعام
من يوم فارقتم أم الرمث وشعيبها
قامت عليكم دروز ٍ ماتعرف الكلام
وانتم كما العقرب اللي تلوي ذنيبها