آخر الجديد أهديه لعشاق الشعر والذوق ! [الأرشيف]

العبد الماشي

21-04-2008, 04:15 PM

هذه مساجله تمت من شاعر قلطه أسمه في أحد الساحات ahmd113 وكان يكتب هذه الأبيات من بحر الموال لعضو آخر اسمه (( متكتك )) وقد كتب له بيتين ahmd113 وتأخر متكتك بالرد ببيتين وتأخر كذلك بالرد وطوّل ممّا جعلنا نشارك وندخل مع أحمد بعد التأخير واليكم بداية الحدث حتى النهايه !

الكاتب : ahmd113

اررحب يمتكتك

استلم لاهنت:

يامتكتك اللعــب بين اثنين يازيـــــنه = خصٍ اذا منها عــــرفت موازينه
اصبر على ما يجي من زينه وشينه = والراس مرفوع والقاله سعوديه

قوم يا متكتك ترى الصفين قامت = سرها يا صاحبي واحسب حسابي
القـيــامه قــالو اهـل العلم قامت = يالله التوفيق في في اخـذ الكتابي

العبد الماشي

21-04-2008, 04:18 PM

الكاتب : متكتك

اعذرني ترا الدوااااام وكنت اشوي مشغول وماشفت اطلبك

بس استلم ياذيب

مرحبا يالصحابي والمعاني في كلامي=خلك بالك صاحي واحذر يطيح الخطامي

والسوالف بين مستور ومابين الزلامي= ولعوها نار والنار من شبابهـــــــــــــــا

خش سدك والسوالف لا تهافت=قيد مشينى فالجبال والهضابـــــــــــــــــي

لو انشوف اضعونكم للعشب حالت= ما اعتليتو يالولد يم النوابـــــــــــــــــــي

العبد الماشي

21-04-2008, 04:21 PM

الكاتب : ahmd113

اررررحب يمتكتك

ومعذور ولا انت معثور

واستلم لاهنت:

طيع شـــــوري يا ولد لا تعبث باللهب = من تعبث باللهب جاه ما جاء ابولهب
والحصان المبتدى ما يقارن بالسكب = ولــعـــوهــا نـــار والنار من شبابها

والنعم فيكم اذا قامت وسارت = مارجينا يمكم حسن الثوابي
قد تعلينا النوابي وانت صامت = ما نشدنا عن محرفة الكتابي

العبد الماشي

21-04-2008, 04:24 PM

وهنا بدأت محاورتي مع الشاعر واليكم طرد الرديّه بيننا !

الكاتب : العبد الماشي

بعد اذن
اخوي متكتك
استلم
ياحمد

اللّهب ماله صلا كود يرثيه الرماد = والصعاب اللي تباشر تراها النا براد
دون صاحبنا متكتك نبا نعلن جهاد= ولعوها نار والنار من شبابها

والاصل معروف وتثبته الثوابت = وكم حقيقه عنها البعض غابي
وليلتي وياك يابن الجود طابت= وما يعسر القاف كود اللي يهابي

العبد الماشي

21-04-2008, 04:25 PM

الكاتب : ahmd113
اررحب يا العبد الماشي

واستلمو لا هنتوا

صـــــارو الاثنين حزبٍ عسى ربي يعيني = وانت تعرفني اذا قلتها ما ارطن رطيني

والله اني واقفٍ لك على طول السنيني = ولــــعـــوها نــــار والـنـار مــــــن شبابها

قـــــــومت الاثنين يارجال خابت = كلكم بـحـــطكم وسط المخابي
والله اني عن تحالفكم ما فاخت = بيننا الميدان في وسط الكتابي

العبد الماشي

21-04-2008, 04:27 PM

الكاتب : العبد الماشي
استلم
بارك الله
فيك يالقرم

جابك الله في يديني وانا ودي عليك =شاعرن ما ودك إلاّ.. الضعاف اللي تبيك
ما يفكك لا قضبتك ولو من هو يجيك =ولعوها نار والنار من شبابها

عدّ ني واحد على عينك وثابت = لايوّرالك من الخوف الضبابي
كن رمشك طاحت شعرته وشابت = وصرت شايب من عقب سن الشبابي

العبد الماشي

21-04-2008, 04:29 PM

الكاتب : ahmd113

ارررحب يالعبد الماشي

واستلم لاهنت:

والله اني ما نويتك ولا لي فيك شف = اركد اركد يا ولد لا تهوش وترتجف
والكبر مهوب عيبٍ طـــــريقٍ معترف = ولعوها نار والنار مـــن شــبـــابها

لا تهول من الركيه يوم سالت = سيلها مهوب من سيل الشعابي
فزعت الملقوف يارجـــال هانت= لو ندورها غدت مثل الســــرابي

العبد الماشي

21-04-2008, 04:30 PM

الكاتب : العبد الماشي

استلم
يالذيب
لاهنت

أتزن وأخذ النصيحه وجبلي مستواك = وأترك أمواج البحر يرتطم فيها نباك
ذاير الخوف المبطن وأظن أنه معاك = ولعوها نار والنار مـــن شــبـــابها

ماشربت إلاّ.. صفا مزن المنابت =من قراح الطيب واللّي منه طابي
وفزعة الرجال منه الرّعد هابت =والمعادن ليرة أفعال المرابي

العبد الماشي

21-04-2008, 04:32 PM

الكاتب : ahmd113

ارررحب يا العبد الماشي

واستلم لاهنت:

اللــقــافـــه دايــمٍ من مقاريد العـرب = من فزع من غير دعوه مرده للنشب
والله انا ما علينا ولا امن اطلق شنب = ولــعـــوها نــــــــار والنار من شبابها

قدمك الميدان وانجومه تهاوت = ما علينا لوم ياكبار العــــلابي
فزعت الرجال تعطيك الثوابت = لزهم يفزع معه حمر الجنابي

العبد الماشي

21-04-2008, 04:34 PM

الكاتب : العبد الماشي
استلم
يابطل
لاهنت

ابك حنّا للفعايل من سنينن قدام =مانلقي بال للمخزيّه وأهل الهدام
ومن تعنتر نقطع السانه بليا كلام = ولــعـــوها نــــــــار والنار من شبابها

جفت عروقك معانا لين ذابت = وصرت من زود الخبل كنّك تبابي
داحم الصفين له غرس ونوابت =ما عليه من السكر واهل الحبابي

العبد الماشي

21-04-2008, 04:36 PM

الكاتب : ahmd113

ارررحب يا العبد الماشي

واستلم لاهنت:

قالــــــو ان النار يا صاحبي ترث رماده = وانت تعرف مقصدي يا ولد والليل عاده
كل رجالٍ على حسب جهده واجتهاده = ولــعـــوها نــــار والـنـار مــــن شبابها

انت وش علمك على ظلك تعافت = بس اظنك من منقحت الشرابي
لو تدوم لغيركم ياخوك دامت = للملوك اهل الحسب واهل النسابي

العبد الماشي

21-04-2008, 04:37 PM

الكاتب : العبد الماشي

استلم
ياشاعر
المنتدى

شيب عينك ياولد ما تعرف اللي تقول=وين صاحبنا متكتك يشوف اثر الهبول
قمت ترثع بالخلا مثل رثعات الذلول = ولــعـــوها نــــار والـنـار مــــن شبابها

فرج انفاسك بعد ماصرت كابت = لا توقع طيب من عقب السبابي
عينك اللي تلخص الادنين رابت =خضّها ما شافته من طرف بابي

العبد الماشي

21-04-2008, 04:40 PM

الكاتب : ahmd113
ارررحب يا العبد الماشي

واستلم لاهنت:

ابرك الساعان لشفت خاليين العـــــقول = احمد الله واشكره ثم اصلي عالرسول
مار صاحبكم عقل ما مشى امع الخبول = ولــعـــوها نــــــــــار والنار من شبابها

احمد الله لرميت يقال صابت = وما نسب الا ملاقيف وغوابي
شلةٍ تجمعت والصوت خافت = خــلــها لعلها ريـــح وذهابي

العبد الماشي

21-04-2008, 04:41 PM

الكاتب : العبد الماشيمرحبابك
واستلم
يالذيب

لاتطب في قبة البحر وأنته ما تغوص = لا تغرك نفسك المضحكه ثمن تنوص
والغرق من جربه ود لو نفسه تحوص = ولــعـــوها نــــــــــار والنار من شبابها

كنها روحك من الرجال هابت = واعتقد انك معي صاير تهابي
من رماك الحظ كن يديك عابت = حتى ما تعرف خطاك من الصوابي

العبد الماشي

21-04-2008, 04:43 PM

الكاتب : ahmd113
ارررحي يا العبد الماشي

واستلم لاهنت:

والله اني في بحركم اعرف اغوص واسبح = مار هود يا عميلي تعاودها تضبح
والله انك بضعةٍ من شــــــــراها ماتـــــربح = ولعوووها نـــار والنار من شبابها

مار قل لي وش بلى اخطاكم تفاوت= وصار يظهر هرجك من ادنا الجرابي
ركـــــز بهرجك معي والله يسامت = ولا تنــادي وانت في روس الهضابي

العبد الماشي

21-04-2008, 04:44 PM

الكاتب : العبد الماشي

تفضل
يالذيب

وش علامك صرت بلبل تردّد ما نقول = شوّشة فيك المحطه وخلتك بذهول
وانصحك لا تنفعل وانت انسانن زعول =ولــعـــوها نــــــــــار والنار من شبابها

خربطك اللي علينا ما تدابت =ولا يسرك من دبيب النمل دابي
نفسك اللي ودها للخير آبت = ما تبي أخذ النصيحه و المآبي

العبد الماشي

21-04-2008, 04:46 PM

الكاتب : ahmd113

ارررحب يا العبد الماشي

واستلم لاهنت:

نحمد الله والزعل ما نعـــرفه يالحبيب= وانتبه لياك تزعل تراي اخطي واصيب
مار انا طالبك تسمح اذا جاء فيه عيب= ولــــعـــــــــــوها نار والنار من شبابها

الدعاوي مزح واعقولٍ تساوت = ولا لبست امــــن الثياب الا هبابي
سرها يا صاحبي والعين نامت= واختم المعني بمرسوم الصحابي

اخوي العبد الماشي العذر والسموحه ترى الدعوى كلها مزح
وتصبح على خير والى في مناسبات قريبه ان شاء الله

العبد الماشي

21-04-2008, 04:48 PM

الكاتب : العبد الماشي
مشكور
يالذيب
على سعة
صدرك

لا حشى مازعل من اللّعب والدعوى مرح =و نتمنى ما حصل عيد وسرور وفرح
و الرجل محشوم باللّعب لو قال وشرح = ولــــعـــــــــــوها نار والنار من شبابها

فرحة الأجواد بالعينين صابت = وصافح الكفين مذلول الصعابي
لاتضيق وحكمة الاقدار جابت = الدواء من عقب عجزات الطبابي

العبد الماشي

21-04-2008, 04:49 PM

اخوي العبد الماشي العذر والسموحه ترى الدعوى كلها مزح

وتصبح على خير والى في مناسبات قريبه ان شاء الله

حقيقه أسعدني التعامل معك اخوي الشاعر أحمد وما يلحقك شك في نفسك عندي لأني أعلم جيّداً أن الرجل الواعي يعرف ويعي اصول لعب القلطه ولاينقاد الى خلط الورق وبعثرة أدوات التحكم النفسي والعاطفي وهذا دليل على أنك أنسان واعي وراقي في تعاملك مع الآخرين تقبل تقديري واحترامي لك .

الأخ متكتك نعتذر لك عن حصيلة ما جاء في متصفحك ونتمنى أن نكون قد مثلناك خير تمثيل في سالف ما ذكر ودمت بخير وصحه وعافيّه .

والسلام عليكم ورحمة الله وبركاته