سامحني يا يبه

[البرنسيسه]

سامحني يا يبه


بالعشرين عمري وافرق بين الردى والطيب
بالعشرين عمري... بس هــموم قلبي كبيره
::-::
اعــرف الحياء زين.. واعـرف بعد العيب
كذا رباني ابــوي.. وكــنت بعينه كــبيره
::-::
ايه نعم ابوي رباني على العــز والطـيب
انا بنت امـــير وابقــى مثل ابـوي امـيره
::-::
علمني ابوي الوفاء والإخلاص والمواجيب
علمني مالعب لعبت غدر لو هي صغيره
::-::
علمني ابوي ماكون لغلطات غـيري رقيب
علمني حتى بالشعر كيف أبحر فـي تعابيره
::-::
وعلمني ابوي إن الحب في سلمنا عـــيب
آآآه.. لو يدري انــه بقلبي يشتعل ســعيره
::-::
آآآه.. لو يدري إني بالحب لي جرحاً عطيب
آآآه.. لو يدري إن روحــي بالحــب خطيرة
::-::
يايبه ادري انك مــعي مـا بخلت بالجــيب
لأحشى.. حـــتى بعطفك مــعي يكفي لديره
::-::
يايبه ادري انك علمتني كل أفــعال الطيب
بس وش أســـوي يايبه قــلبي غــدا أسيره
::-::
اعترف إني أحبه ولاهمني كثر العذاريب
يايبه أحــبه.. وحبه بقلبي يشعشع نواويره
::-::
تذبحني غــيرته يايبه.. ويــزعل لو أغيب
حشى ما خونه ولا يهون عندي بيوم تقديره
::-::
وسامحني يايبه ادري الحب في سلمنا عيب
بس وش أسوي خـــلاااااص قـــلبي أسـيره

[عمر المنسلح]

صح السانك


يسلم لي هالراس

من صاحب هالقصيده طال عمرك

[الدانه]

تسلمين اختي البرنسيسة على هذه الكلمات
لكن هل هذه الكلمات انتي كاتبتها يعني الشعر لك او لشاعرة اخرى
ياليت ان كانت لشاعرة اخرى ان تكتبي منقول حفظا لحقوق الغير وان كانت لك تكتبي ايضا لحفظ حقك حتى لا تتعرض القصيدة للسرقة .