منو كاتب هالقصيده ؟

[أسيرة الأحلام]

ماهو بكيفك تواصلني وتقاطعني ...
إما غلى بين أو فضها سيره ...
ياشين لاجيت تقطع لاتوادعني ...
لايتك تحس الوداع وشلون تأثيره ...
ياماخذ الحب قل فيني وسمعني ...
حب على كبر صعب أبدل بغيرة ...
أبحتفظ فيك ودري منت نافعني ...
يمكن مع الوقت أقول محبتك خير ...
والله تدري وش اللي معك دافعني ...
أني معك كنت أمارس آخر الغيرة ...
وأحب فيك البرود الي يقاطعني ...
لوما تكلمت صمتك صعب تفسيرة ...
يلي عليك البشر شفها تقاطعنا ...
منين ما أوجة الهفوات لك سيرة ...
ياشينها من الخور قولتك تقاطعني ...
ماغير شرة ولا أنت بشايفن خيرة ...
ياشينها من لاجيتك توزعني ...
في عذرك الي على الظرف تقديرة ...
شف كبر صبر البشر ماعاد ياسعني ...
وأكبر هموم العباد أشوفها صغيرة ...
وش جاك من خطى يومك تبيعني ...
في سوق لقها عليك أسوقها جيرة ...
أنا أذكر أنك ألامن قلت دلعني ...
القلب هانت علشانك مشاويرة ...
يامشغل القلب بين تحبني و يعني ...
شفني عليك أحترق ياسيدي حيرة ...
مرات أقول أتركك لاشك يمنعني ...
شيً يقول أعذرة وأقبل معاذيرة ...
قلت أحتفظ فيك وأدري منت نافعني ...
يمكن مع الوقت أقول محبتك خيرة ...

[قيس العنزي]

اممممممممممممممممممممم
القصيده عجبتني بس للاسف صاحبها ماعرفه وهي منتشره بالنت .. تحت عنوان ...
احساس غريب

[أسيرة الأحلام]

انا سمعت القصيده بس مااعرف منو كاتبها :(

مشكور ياقيس على المساعده
على الاقل عرفت اسم القصيده

[قيس العنزي]

سمعتيها ... هاتي الرابط ابي اسمعها

[أسيرة الأحلام]

:) ياريت سامعتها بالنت
هي موجوده بتليفون اختي

[أسيرة الأحلام]

قيس كاتب القصيده حمد السعيد
وهذا الرابط

http://www.movn.net/7md_al_s3eed/mahoo_bkefk.ram

واسم القصيده ماهو بكيفك :)