ودعتك الله يالمسااافر

[قيس العنزي]

وقت السفر ... اكثر الاوقات اشتياااق الاحباب لبعضهم ... .. والله يرد كل مسافر الاهله سالم



ودعتك الله يالمسافر

ودعتك الله يالرفيق الموالي ..... عسى السلامه تنكتب في طريقك

مثلك غيابه نفتقد فيه غالي ..... ابيع كل الكون ولا اشوف ضيقك

ان كان بعدك واجبٍ لا محالي .... الله يسهل رجعتك مايعيقك

يرزقك حب الناس اول وتالي ... لا ماتشوف اللي ينشفه ريقك

سافر وخلك رافع الراس عالي .... ترا الصعايب وحدها ماتطيقك

ضاقة الجهراء وضاق بالهم حالي .... ضاقت ليالٍ خاليه من بريقك

قلبي بدونك ديره بدون والي .... وجيش المشاعر يحترق من حريقك

حزين وقتي والفرح في سؤالي .... متى تعود ويهتني بك رفيقك


قيس العنزي :detective2:

[TeTo]

مشكور يا شاعر المنتدى :)

[قيس العنزي]

‏ ربنا يخليك يا بيك

[ندى الورد]

كلمات جميله تسلم قيس

[قيس العنزي]

مرورك وتحملك بوقت سفرك وحبك للمنتدى هو الاجمل والاروع , وتستاهلين الابيات دامج مسافره
قيس