يا مدور الهين ترى الكايـد احلـى

[الدانه]

اشتهر مطلعها وعانق السماء وتناقلته العامه
قبل المتذوقين للشعر لما فيه من جزالة وقوة في الحبك والتصوير
والابيات لخالد الفيصل

يا مدور الهين ترى الكايـد احلـى
اسـأل مغنـي كايـدات الطروقـي
الزين اغلـي لكـن الازيـن اغلـى
ولكـل شـراي بضاعـة و سوقـي
النو عالي و السمـى فوقـه أعلـى
لي فاق علـم جـاه علـم يفوقـي
الصعب هلَى قلـت ياصعـب سهـلا
دامك تبيني فانت ياصعـب شوقـي
أحب اعسف المهـرة اللـي تغلـى
و احب اروض كل طـرف يموقـي
و احب أسافر مـع سحـاب تعلَـى
و احب فوق الغيـم لمـع البروقـي
و احب اساهر بـدري اللـي تجلـى
و ارسم شعاع الشمس عند الشروقي
يامن علـى ثايـر فـوادي تولـى
خلك على قلـب الكرامـة شفوقـي
اكرم عزيـز بالعمـر مـا استـذلا
يسوق عمـره للمشاريـف سوقـي
اخترتك مـن النـاس للقلـب خـلاَ
يا حيثك مرادي و كيفـي و ذوقـي
مـا رحـت أدور كـل زول تحلـى
لولاك تسوى ما عطيتـك خفوقـي

[أسيرة الأحلام]

صج خالد الفيصل شاعر بمعنى الكلمة
هالقصيده من زمان كاتبها
يعجبني القاؤه للشعر

[الدانه]

ويعجبني ردك السريع على المواضيع يااسيرة الاحلام
شكراا لك

[أسيرة الأحلام]

:) تسلمين يالدانه
بس شو وراي عشان ماارد :)
ماوراي شي :) امزح وياج
بس حلو الواحد يكسب صداقات
فسبحان الله بكرة ان شاء الله بتدعون لي وبتذكروني ان شاء الله بالخير
بتقولون وين هذي اسيره الي لسانها طويل :) امزح

[الدانه]

الله يسلمج يالغالية
ان شاء الله مانفقدك نفقد عشماوي ولا نفقدك
بس لا يزعل علينا هذا ههههه

[الوارفة]

جزاك الله خير ياأختي الدانه

على الجنى الطيب من القصيد.

[الدانه]

أجمعين اختي الوارفة
شكراا لمرورك الكريم وتعقيبك .

[الفدرالي]

صح السان قائلها
بس علا ماظنتي غناها محمد عبدوووووووو
وشكرا على النقل

[الدانه]

شكراا لمرورك اخي الفدرالي
ولا أعلم ان كان غناها محمد عبدو لأني لا أسمع الأغاني .