الشيخ ضاري ابي تفسير عاجل جداً جزاك الله خير / السنعوسيه [الأرشيف]

ضاري العيس

23-01-2006, 04:12 AM

حلمت ياشيخ ان فيه شاب من الجماعه متوفي في الحلم وان كل الناس تبكي عليه ,وانا قاعده اهدي فيهم فجأه دخل عمي ومعاه حرمه اول مره اشوفها في حياتي ,المهم في الحلم المّره هاذي اخت الشاب الي توفى سلمت عليها وقاعده اواسيها واقول لها (الي خلف ما مات ومن هذا الكلام) الحرمه حاطه على وجهها مكياج ومتكشخه بس باين عليها الحزن ,بعدها جت وحده من عماتي الى عمي تبكي قام عمي وجمع كل الي يبكون في غرفه ,وانا واقفه عند الباب قاعده ادخلهم وإلا من بينهم يطلع أبوي, وجهه عريض ومنور ويضحك, جاء وقعد على السرير انا لما شفته حسيت اني مشتاقه له ,قربت منه على طريقه الزحف على( يديني ورجليني )الين صرت جالسه عند رجليه وعيوني مليانه دموع كنت ابيه يحط يده على راسي علشان اشعر بحنانه ,فجأه حط يديه على( ركبّه )وناظرلي بغضب وحجاجه مكروب ويقولي (وريني ركبتك اليمنى)وانا ارجع على يديي خايفه واحتميت بعمي الي كان قاعد ,حاول ابوي يضربني ويتناولني من ورى عمي لكن عمي يصده,نادى عمي وقال (تعالوا اضربوه هو مايحس لانه روح,قامت اختي وجابت العقال بس بدل ماتعطيه لعمي اعطته لابوي وقعد يضربني به وانا ورى عمي ,فجأه اختفى أبوي وطلع أخوي يعني كأنه استلم الدرو عن ابوي حسيت بالحلم ان ابوي هو مرسله علي ,أخوي يمشي وراي ويضربني بالعصا حسيت ان اخوي مو في وعيه ,جيت واحتميت بأمي واخوي يضرب ,حاولت اقرا سور من القرأن لكن لساني تلعثم وصار ثقيل وماقدرت اتكلم ,طاح اخوي بالارض وقالت له امي اقر سوره (قل هو الله أحد)واخوي يتمتم بكلام مو مفهوم ,الي حفظته انه يقول حرف الصاد وامي تقوله (لا ,قل هو الله الصمد)وبعده كاني ابي اروح اعزي عمتي بولدها هو بعد مات مع الشاب الي ما ت,لانهم كانوا بالعسكريه وداهموا شقه وماتوا ,وحنا قاعدين نركب بالسياره كل ماتمشي يطيح منها كفر )قمت من نومي وانا مرعوبه وخايفه واصب عرق شديد..
ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ـــــ ــــــــــــــــــــــــ

ملاحظه:1-الشاب بالواقع متزوج والمره الي في الحلم مهي اخته أول مره اشوفها في الحلم.
2-الوالد متوفي من 3شهور.أخوي طالب والكليه واصغر مني وصاحي مافيه شي.
3-عمري 26 وزني 49 حالتنا الماديه حلوه والحمد لله حالتي النفسيه مضطربه شوي.
4-رجاء حار جزاك الله خير اذا تفسير الحلم مو زين ارسله لي رساله خاصه الله يخليك.
5-للمعلوميه فقط (الشاب اسمه(عويذر)وولد عمتي اسمه(بدر)بعد متزوج.
6-كل الي مكتوب تراه كل الحلم مانقصت ولا زدت

الكاتبه/ السنعوسيه في 06-28-2005, 03:26 Pm

ضاري العيس

23-01-2006, 04:13 AM

السنعوسيه ===
======== السلام عليك ورحمة الله وبركاته

يدل منامك ان الشاب عويذر وان إبن عمك بدر إن شاء الله أعمارهم مديده بسنواتها وأن الأول عويذر يأتي من طرفه أمرأه تقصد الخير وتتوسط له عندكم بخير كخطبه او مصلحه يستفاد منها وتثمر ويليها مباشره مناسبه او حفله ترتبط بعزومه والكل فرح فيها ووالدك سعيد بهذا الأمر المفرح والطيّب ولكن يختلط امر من طرف عمك وأبنه قد يكون بنفس الطلب المعروض والمتقدم به الشاب أو يكون خاصة دين وقد تحدث بعض المنازعات العائليّه التي يتدخل بها اخوك وتظهر فيه اشكاليه عائليّه تفرج بإذن الله ولكن يصيب اخيك حدث وقد يكون مرض والله أعلم .

والسلام عليك ورحمة الله وبركاته

رد في 06-30-2005, 06:23 AM