الكل بيدعيلج :)

[أسيرة الأحلام]

بخبركم يابنات عن حلوى لذيذة جدا
بس المشكلة مااعرف شو اسمها :)
خبرتني اياها وحده من الأهل

المقادير:
50 غرام زبدة
كيسين بسكويت (أي نوع تحبينه )
علبة وحدة قشطه + علبة حليب نستلة مكثف
7 حبات جبنة كيري
وكيس واحد كريم كرملا


الطريقه:
الطبقة الأولى:
فتتي البسكوت لأحجام صغيرة جدا
بعدين سيحي الزبدة عليها بيدج الحلوى
بعيدن حطي القشطه عليها ووزعيها بيدج أو بمعلقه
حطيها على الصينية

الطبقة الثانية :
بالخلاط اخلطي 7 حبات جبنة كيري + حليب نستلة المكثف جيدا
بعدين حطي هالكريمة او المسحوق فوق الطبقه الأولى
ودخليها بالفرن 5 أو 10 دقايق وشغلي النار العليا موب السفلى
وخليها شويه لين ماتتمسك الطبقه الثانية موب تحرقيها :)

وأثناء ماالحلوى او الاكلة :) بالفرن سوي الكريم كرملا عادي زي ماانت تطبخينه دوم
حليب +مع كريم كرملا وخليه يسخن ويفور
لما يفور خلي يدفا شوي
ووبعدين حطيه فوق الطبقه الثانية
انتبهي تحطين الكريم كرملا وهي حارة على الطبقه الثانية خليه يدفا شويه مو يكون بارد

بعدين حطيها في الثلاجة لين ماتتماسك

وصحتين وعافيه

ولاتنسون تدعون لي
وخبروني شو رايكم

[TeTo]

:) :) :) :)


الف شكرا على المشاركه اللذيذه دي يا اسيرة الاحلام

:)

[الدانه]

تسلم الأيادي عزيزتي أسيرة الاحلام
باين على الطبق لذيذ
سوف اجربها ان شاء الله .

[ندى الورد]

تسلم ايدك احلام
ولا تحرمينا من مشاركاتك

[أسيرة الأحلام]

الله يسلمك أخ تيتو - وانشاء الله لازم لازم تعملها بنفسك وتقولنا رأيك :)


دانه: بشريني ها جربتيها ولا لا . وأي مساعدة أنا حاضر :)

ندى الورد : تسلمين الغاليه . بس عاد جربيها وقولي لي شو رايج :)