عفاريــت القصـيـد

[الفدرالي]

أجمعوا جزل المعاني يا عفاريت القصيد

وانظموا زين القوافي بالغلا والدرب (سيدَه)

أصطفق موج الحنايا وانفهق تسعين حيد

وارجهنّت في خفوقي طفلةٍ تلعب سعيده

تحسب ان الهمّ فرحه والشقى والضيم عيد

وش عليها دام انا اللي.. باكيٍ في يوم عيده

ان بغيت اكسب رضاها.. قلت انا ماني سعيد

وان بغت تكسب شقاي تقول انا ماني عنيده

واذكر اني جيت اكابر قلت انا " افكّ الحديد "

قالت بنبرة تحدّي: " اعتبر قلبي حديده "

داخلي تسكن وحيده.. ماسكن بالجوف غيد

والبلاااا ياشرّ قلبي بأنها تسكن وحيده

تمتلك نزف المشاعر كنّها بالقلب (سيد)

وان بغت تكتب قصيد من الحشا تنظم قصيده

قيدت عوج الحنايا وسكنت حبل الوريد

واودعت بالقلب جرحٍ لاهبٍ مثل الوقيده

جرحها صاب الخفوق ودايمٍ شرّه يزيد

واان سكن جرح سكنّي جرحها الثاني تعيده

واااعذابي في هواها.. يجتمع نار وجليد

طفلةٍ وآشيب عيني بالهوى يااهي بليده

ماطرحني في هواها والغلا ياكود جيِد

لاتثنّى خيزران.. ولا وقف ياقوّ كيده

تمتلك تاج الجمال وبالحلا تملك رصيد

جا جمال الحور عنده.. من بعيده في بعيده

بالحلا والزين آآآيه ماظهر شيٍ جديد

لكن بدرب المحبه والهوى.. يااااهي عنيده

ويش اسوي لاتصافق بالحشا تسعين حيد

وارجهنّت في خفوقي طفلةٍ تلعب سعيده؟!

[ندى الورد]

ما شاء الله عليكدايما يشدنى عنوان القصيد
والعنوان جدا جميل عفاريت القصيد

[عشماوى]

وان بغت تكسب شقاى تقول انا مانى عنيدة
واذكر انى جيت اكابر قلت انا افك الـــــحديد
قالت بنبرة تحدى اعتــــــبر قلـــــــبى حديد
هذة هى المراة بجبراتوها وعنفوانها وتسلطها
لا احد يستطيع فهمها لا احد يستطيع التغلب عليها
تروح لها شمال تتجة ناحية اليمين والعكس مثل الحرباء او الحية

[الفدرالي]

مشاء الله عليكي
دايما تردين على قصايدي

[الفدرالي]

صح السانك اخي عشماوي
ومشكور لمرورك

[ابن شلاح]

كلمات ابدع من قالها
صح لساانك اخوي الفدرالي

[الفدرالي]

صح بدنك
اخي:ابن شلاح
وشكرا على مرورك الكريم