حيّ الجواب اللي لفـانا من الـراس

[الفدرالي]

حيّ الجواب اللي لفـانا من الـراس
جابـه غـلامٍ مـا تـوانّا مسيـره
جواب منـهو لي مـودٍّ من النـاس
أبـوي مـا يوصـف حلـيٍ لغيـره
فرز الوغى كنه على الوكر قرنـاس
وقـروم ربعـه كلـها تستشيــره
دليـل عيـراتٍ ليـا هـب نسنـاس
ثـم إدلـهم الجـو ما مـن ذخيـره
مهفي الغنم لأهل الركايب و الأفراس
لا راحـوا بيتـه عليـهم قصيـره
راعـي معاميـلٍ له العبـد جـلاس
للبـن يشـري بالسنيـن العسيـره

وإن كان تشكي الضيق يابوي لابـاس
جاك الفـرج يابـوي هو والبريـره
وإلاّ فانا يابـوي قطّـاع الأرمـاس
أصبر على الشـده ولو هي عسيـره
ومن كان له غايب فلا يقطع اليـاس
إن قـدر الله جـاب علمـه بشيـره

[قيس العنزي]

الفدرالي ... اخوي النشيط خمسه وخميسه عليك ما شاءلله عليك ...

انت تعتبر من انشط الاعضاء في الملتقى بخ بخ ..( عن الحسد )

بس ياخوك ... عندي طلب ..

اذ تبي تحط قصيده او مقطع قصيده ...

اذكر لنا قصة القصيده بختصار... الاني والله ياخوك مافهمت القصيده عدل ؟

واذ تعرف الشاعر ياليت تكتب اسمه ...


قيس العنزي

[الفدرالي]

السلام عليكم ورحمه الله وبركاته
شكرا لك ؟اخي قيس العنزي
قصه القصيده؟هاهي؟
كان الناس يحتاجون ماء المطر لسقي النخيل من الأودية .لاسيما البلاد الجبليه مثل اسدير والعارض وغيرها وكانوا يقتسمون ماء الوادي إذا قرب من النخيل ،فكال حائط يجعل له وظيمه (أي شعبة من الماء).

فإذا جاء السيل خرجوا يرصدون الوظام عن أحد يحول الماء عن نصيبهم . وقد يحصل بينهم شقاق وشجار ومضاربة بالعصي .وقد يتقاتلون على الوضام 0وهذا هو الذي يشكوه أبو ادباس إلي ولده بقوله في القصيدة :

1) جنبت وسط السوق وامشي مع الساس اخذ شوي الحق واترك كثيرة

يعني انهم استضعفوه واخذوا نصيبه من الماء (السيل)ولم يستطع أن يقاومهم لأنه قد كف بصره .وكان ابنه ادباس قد هرب من أبيه وهو جذع حين رآهم ضامو آباه ليستعد لهم وجعل يتنقل بين البلدان يتطلب المصالح ووسائل الرجولة لنصرة أبيه فلم ينتهي مقامه الا في بلاد مسقط من بلدان الخليج حيث صار خادما للأمير هناك .كما نجد آباه يعيب ذلك عليه ،وحين اشتد الاضطهاد على الأب انبعثت قريحته بهذه القصيدة يشكو فيها إلى ابنه هذا الاضطهاد فثارت غيرة الابن وحميته لأبيه وعزم على الانتقام من المضادين لأبيه وكتب له جوابا (قصيده )يخبره فيها انه سوف يقر عينه بالقدوم عيه والانتقام من أعدائه .ثم انه أراد أن يرسل لأبيه فلوس ابريره .وخشي أنها تختطف في الطريق قبل وصولها إليه ففكر في حيله تؤمنها له فاشترى عصا غليظة باكورة (يعني رأسها معكوف)وهي عصا الشائب وأعطاها النجار فخرق وسطها بالطول وادخل فيها جنيهات (ذهب)وسد عليه وأعطاها المرسول مع الكتاب (القصيدة)وقال له :اخبر أبى أني ما عندي فلوس ولوكان عندي فلوس ما بقيت في بلاد الغربة ولكن أعط اباى هذا الكتاب وهذا العصا يتوكأ عليه وتعذر لنا منه .فلما وصل الرسول اعطا ابوادباس الكتاب والعصا .وقال هذا وصل ابنك لك عصا أتوكئ عليه وضحك فآخذه أبو ادباس وعرف مافية .وقال :إيه (من طاف ما عاف )ثم دخل بيته ،وكسر العصا فانهالت له الجنيهات .فحمد الله على ذالك وعرف رجولة ابنه ثم قرا القصيدة .فقرت عينه وشكر ربه.

وأما ابنه فانه جعل قدومه في وقت مجيء المطر .وحل وصوله نزل المطر وسالت الاوديه .فقصد موضع الوضئم تقسيم السيل وأناخ ناقته وفتح السيل على وظيمة أبيه وجلس عنده وسرعان ما آتي أعدائه حين رأوا الماء انطلق في وادي أبو ادباس فوجدوا الرجل عنده وأرادوا ضربه وتنكيله فقام عليهم وقتلهم بسيفه البطران والذي اخبر به أباه وانه صناعة بلاد ورا بلاد جاوه . وألقاهم في الماء .وأما أبوه فإنها خرجت إحدى بناته فأخبرت أباها أن الماء جاء للنخيل وامتلأ الحائط بالماء .فقال أبوها لا يمكن أن يأتي السيل إلينا إلا أن كان ادباس قد حضر وفتحه .ثم قالت البنت لأبيها انه قد احمر الماء .فقال أبوها هذا دم هذا ادباس حاضر .ثم قالت جاءت رؤوس الرجال مع الماء فبكى أبو ادباس فرحا بقدوم ولده ونصرته.وهذه قصيدة أبو ادباس يقال لها اليتيمة.قال :


يا ونه ونيتها من خوى الرأس من لاهب بالكبد مثل السعيره

ونين من رجله غدت تقل مقواس ويون تالي الليل يشكى الجبيرة

ويامل قلبي مثلا بن بمحماس ويا هشم حالي هشمها بالنقيره

وياوجد حالي ياملا وجد غارس يوم أثمر ت و أشفا صفا عنه بيرة

من ثمر قلبي سرى هجعة الناس متنحر درب عسى فيه خيره

الله يفكه من بلا سوء الإتعاس ومن شر عبثات الليالي يجيره

في ديره تقطعت عنه الارماس سبعين يوم للركايب مسيره

لا والله الا حال من دونه اليأس حط البحر والبر دون الجزيرة

يالله يلى رد عقب ماياس يوسف على يعقوب وأبصره نظيره

ترد علي ادباس يا محصي الناس يا عالم ما بالخفا والسريرة

يا ادباس انابوصيك عن درب الادناس ترى الذي مثلك يناظر مسيره

عليك بالتقوى ترى العز يادباس في طاعة إلي ما يناجيك غيره

هذى ثمان اسنين من رحت يادباس لا رساله جتني ولا من بريره

يادباس من عقبك ترا البال محتاس وعليك دمع العين حرق نضيره

وعليك كأني في دجى الليل حراس اصبح على حيلي وعيني سهيره

مثل الوحش قلبي على كف حباس يكفخ كما طير اسبوقه قصيره

متحير من عيا البيت يادباس ارجي ثواب الله وأخشى المعيرة

أخاف من حكا العداء ثم الأنجاس أهل الحكايا الطايله والقصيرة

ويقال خلا عيلته عنز الرأس اقفا وخلا عيله له صغيره

والا فانا يابوك قطاع الارماس ماني مثبور أو رجلي قصيرة

أصلك لو دونك نبا حمر الاطعاس الصلب والصمان ماهي عسيره

مهالك مدارك ما بها أو ناس إلا الثعل والبوم تسمع صفيره

لو كنت في نزوا او ديرة بني ياس أهل المرازي والوجوه الغبيره

عبادة الأصنام شرابة الكأس الخمر والتنباك فيها أو غيره

لركب على وجنا من الهجن عرماس فجا النحر يادباس حمرا ظهيرة

متروسة الفخذين مزيوعة الرأس كن الخلاص اعيونها يوم أديره

أو شبه ربد اتخفق للاوناس وان رفعت جنحاتها مستذيره

تنشر من العودة على نور الانفاس عند الفجر والليل مقف مريرة

والعصر بالصمان تسمع لها اضراس حبل الرسن خطر تبتر جريره

نهار ثالث بين احما والأوراس وره يمينك جعلها لك سفيره

ثم على ساجيه تقلب الرأس تمشي بأهلها في البحور الغزيرة

إلي مسقط الفيحاء بها الخير محتاس لولا الكفر والشرك واوي ديره

عز الله إنها ديره مالها أجناس لولا بها يعبد مع الله غيره

فيها الطبيخ وراهي الخبز يادباس يقعد خوي الرأس خنه خميره

هي ديره اللي باغي كيفه الرأس ولاله حد همه من الناس غيره

هيس ولد هيس للمواعين لحاس يفرح ليا نيدي لذبح النحيره

وذا ماقفك يادباس مافيه نوماس يصلح القين مهنته طق زيره

ترى الفداوي داوي واسأل الناس راعيه ما يذكر بمدح أو غيره

طلب المعيشه بالحراثه والاجناس المشري والبيع يوصف وغيره

قم انهض العيرات مع كل فراس يادباس دور خير تستشيره

جدك وعمانك هل العزم والباس أهل المواجب مكملين القصيرة

يادباس ما يصبر على البق والحاس إلا الذي ماله بنجد عشيرة

واليوم يا مروي شبا كل عباس انت الرجاء يا اكعام وجه المغيره

عشرين عام كلها ارجيك يا ادباس مثل الغرير اللي تولع بطيره

عدل المناكب هيلع فرخ قرناس يمناه في لطم الحباري شطيرة

عانق خلوج روحت عقب مرواس عند العصير البيضها مستذيره

والليل جاها وحال من دونها اليأس روحه على فرقاه فرت فريره

يادباس أنا يابوك ماني ببلاس مير إن عيلات الرفاقه كثيره

جنبت وسط السوق وامشى مع الساس اخذ شوي الحق واترك كثيره

يادباس لو جبت من دحب الأكياس مختلفة ما بين زر ونيره

مالي بها يا جعلها بألف قباس أو جعلها تذهب ولو هي كثيره

يادباس قلبي كل ما هب نسناس شرقية هبت بقلبي سعيره

والحال يا فرز الوغى مسها الباس عليك ياناطح اوجيه المغيرة

واغصون قلبي يافتى الجود يباس غاد انا يابوك كني هشيره

من شافني يقول هذا فيه لساس واللي برا حالي الهي خبيره

لا واعلى من قبل غوال الانفاس وامفارق الدنيا يجينا بشيره

عسى يطق الباب والناس غطاس ياوالي القدرة عليك اتعبيره

وصلاة ربي عد ما هب نسناس علي النبي عدة حقوق المطيره

وبعد وصول هذه الرسالة إلى ابنه ادباس واطلاعه عليها أسف على تفريطه وتهاونه في حق والده فأجابه بهذه القصيدة حيث اخبره فيها بعزمه التوجه أليه قال:


حي الجواب اللي لفاتا من الرأس جابه اغلام ماتوانا مسيره

هلا هلا عد ما حبك قرطاس أو ما كتب فوقه ابيوت الشطيرة

جواب من هو إلى مود من الناس أبوي ما يوصف حلي لغيره

فرز الوغى كنه على الوكر فرناس اقروم ربعه كلها تستشيره

دليل عيرات اللي هب نسناس ثم ادلهم الجو وما به ذخيره

مهفي الغنم لاهل الركايب والافراس لا روحو له لا عليهم قصيره

راعي معاميل بها العبد جلاس للبن يشري بالسنين العسيره

هذي بمركاها وهذي بمحماس وهذا يصبه للوجيه السفيره

واخلاف ذا يا راكب فوق عرماس ما مونه من نقوت الهجن عيره

حمرا وهي في سنها وقم الاسداس متوسط لا فاطر ولاهي صغيره

ماهي لحوح راكبه بالعصا قاس حرم عليها غير شيل النجيره

والخرج هو وابيوت قيل بقرطاس مع مزهب الايام ماهي كثيره

وفوقها غلام منوته قطع الارماس لو هو بليل ماتغير نظيره

والي لفيت الدار فاجهر بالاحساس وبلغ سلامي كل ذيك العشيره

واختص ابوي اللي نفل جملة الناس وخصه بعلم وقله تراني بشيره

لا يا نجى العرض يابوي لاياس ان كان تشكي الضيم فانا اسيره

وان سائلك عني تراني بنوماس وانا احمد اللي ما توسلت غيره

المدح لو يشرى شريناه باكياس برواحنا نرخص ندور الستيره

مطرق افرنج مضاريبه الراس ومصلبخ جبته عساني ذخيره

من صنع نصراني مشروبه الكاس يذكر ورا جاوه بعيد مسيره

ابغيه للي حادينك على الساس اهل النمايم والحكيا الكثيره

ربع نووا فيك الردا والتخساس مهبول ياالي قال غايب عشيره

علي دين لودع الجمع بالنحاس لين العشير يقوم يلعن عشيره

يابوي انا ما رحت لكيفة الراس مع ذا ولاني في سفاه او غيره

ان ماسكنا الدار من غير هوجاس والا نعاف الدار وتدور لغيره

كله العينا كلمة قلت يا دباس تشكي وانا دوني ابحور غزيره

خذ لك يمين الشرع قطاع الانفاس انه فلا جتني اعلوم بصيره

لانيب جاني منك حبر بقرطاس ايضا ولاجتني اعلوم سفيره

ان كان تشكي الضيق يابوي لاباس جاك الفرج يابوي هو والبريره

والافانا يابوي قطاع الارماس اصبر على الشده ولوهي عسيره

يامسندي يابوى شوف اوكد الناس ثم انشده قل ويش هو في مسيره

ان كان مايفرح صديقك بنوماس تحرم علينا اللي نهوده صغيره

مدلول مجهول زها زين الالباس بنت الذي يثنى الليا جت كسيره


طار يقول اظهر وطار بجلاس قمت اشرب التنباك واثره نكيره

ابغي عسى الله يبرد القلب ياناس من لاهب شبت بقلبي سعيره

ومن كان له غايب فلايقطع الياس ان قدر الله جاب علمه بشيره

تمت والصلاة والسلام على سيدنا محمد وعلى اله واصحابه الطيبين الى يوم الدين